Fluturimet me 0,99 ose 9,99 euro janë të destinuara të zhduken për shkak të energjisë së shtrenjtë që shpërtheu me luftën në Ukrainë dhe që rëndon edhe në sektorin e aviacionit, deklaroi CEO i grupit, Michael O’Leary në një intervistë për BBC Radio 4.

Në një intervistë mbi inflacionin, O’Leary shpjegoi se sektori me kosto të ulët, që do të rezistojë sepse njerëzit do të vazhdojnë të fluturojnë shpesh, ndikohet në mënyrë të pashmangshme nga rritja e çmimit të naftës.

“Unë nuk mendoj se do të ketë më shumë fluturime me 10 euro. Tarifa jonë mesatare ishte 40 euro vitin e kaluar, do të shkojmë drejt 50 në pesë vitet e ardhshme”, tha O’Leary.

”Tarifat tona promocionale me super zbritje, ato me një euro, me 0,99 apo edhe në 9,99 euro mendoj se nuk do të shihen për disa vite”, theksoi ai.

”Megjithatë, ‘Ryanair’ do të vazhdojë të ketë miliona vende me 19,99, 24,99 dhe 29,99 euro”, shtoi CEO i grupit, Michael O’Leary në një intervistë për BBC Radio 4.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb