ANGLI
Tre shqiptarët, Azen Dajçi, Fabion Kuçi dhe Ardi Sheta të cilët shkuan për të grabitur shtëpinë me kanabis të bandës rivale në nëntorin e 2018 në Angli janë dënuar me burg.
Për Azen Dajçin Gjykata e Harroë ka dhënë 14.1 vite burg, për Fabion Kuçin, 6.4 vite burg dhe për Ardi Shetën i cili ishte i 17 vjeç kur ka ndodhur ngjarja, u dënua me 2.9 vite burg.
Më 27 nëntor të 2018 në Hall Lane, NW4 tentuan të grabisin shtëpinë e kthyer në një park me kanabis të bandës rivale të tyre në Londër, dhe teksa u larguan nga vendi me makinë fillimisht nuk u kapën dot nga Policia.
Më pas u arrestuan teksa Azen Dajçi bëri rezistencë duke qëlluar me armë zjarri drejt Policisë angleze.
Tre shqiptarët e arrestuar janë pjesë e grupit muzikor ‘Hellalbanianz’, që sipas mediave britanike nuk rezultuan të jetë vetëm muzikor por edhe kriminal për shkak lidhjeve të tyre me kartelet e Amerikës së Jugut dhe atyre të atdheut të tyre.
Ata bënin jetë luksoze, të armatosur dhe makina të shtrenjta të cilat i përfitonin nga tregtia e kanabisit apo kokainës.
(BalkanWeb)
