Kryeministri spanjoll Pedro Sanchez ka deklaruar se një pushtim i Groenlandës nga SHBA-të “do ta bënte Putinin njeriun më të lumtur në tokë”.

Në një intervistë për gazetën spanjolle La Vanguardia, Sanchez tha se çdo veprim ushtarak nga SHBA-të kundër ishullit të madh arktik të Danimarkës do të dëmtonte NATO-n dhe do të legjitimonte pushtimin e Ukrainës nga Rusia.

“Nëse përqendrohemi te Groenlanda, duhet të them se një pushtim amerikan i atij territori do ta bënte Vladimir Putin njeriun më të lumtur në botë. Pse? Sepse do të legjitimonte përpjekjen e tij për pushtimin e Ukrainës. Nëse Shtetet e Bashkuara do të përdornin forcën, kjo do të ishte kambana e vdekjes për NATO-n. Putini do të ishte dyfish i lumtur.”, u shpreh ai.

Trump ka këmbëngulur vazhdimisht se nuk do të pranojë asgjë më pak sesa pronësinë e Groenlandës, një territor autonom i Danimarkës.

Udhëheqësit e Danimarkës dhe Groenlandës kanë këmbëngulur se ishulli nuk është në shitje dhe nuk dëshiron të jetë pjesë e SHBA-së.