Baza e Përbashkët Elmendorf-Richardson është një bazë e Forcave Ajrore dhe e Ushtrisë Amerikane e vendosur në juglindje të Alaskës, pak në veri të Anchorage.

Baza e kombinuar u ngrit në vitin 2010. Përpara kësaj, këto ishin dy instalime të ndara: Ushtria kishte Fort Richardson dhe Forcat Ajrore kishin Bazën Ajrore Elmendorf.

Pas sulmit në Pearl Harbor në vitin 1941, Fort Richardson shërbeu gjithashtu si kamp internimi për 104 persona, sipas Hartës së Burimeve Kulturore të Bazës së Përbashkët Elmendorf-Richardson . Kampi ishte i hapur nga viti 1941 deri në vitin 1943, thotë faqja e internetit.

Baza ka pritur edhe më parë një takim të presidentit amerikan me një udhëheqës të huaj.

Hangari 5 në ish-Bazën Ajrore Elmendorf ishte vendi ku Perandori japonez Hirohito i Japonisë u takua me Presidentin Richard Nixon më 26 shtator 1971, sipas faqes së internetit. Ishte hera e parë që një monark japonez në detyrë vizitonte SHBA-në dhe takimi i parë midis një perandori japonez në detyrë dhe një presidenti amerikan në detyrë.