Trajneri i Napolit, Antonio Conte bëri vlerësimin e tij para sfidës ndaj Copenhagen në Champions.

“Duhet ta arrijmë këtë së bashku, çdo rezultat tjetër përveç fitores nuk mund të jetë pozitiv për ne”. Dhe duke parë tabelën, trajneri i Napolit ka absolutisht të drejtë. Për të avancuar dhe për të synuar eliminatoret, ata kanë nevojë për tri pikë. Por për ta bërë këtë, ata duhet të kapërcejnë krizën e dëmtimeve: “Për fat të keq, disa sezone fillojnë keq, është e qartë se tani për tani po vuajmë”.

Por Conte, të paktën për momentin, nuk dëshiron të dëgjojë për tregun e transferimeve: “Sot duhet të përqendrohemi të bëjmë mirë nesër, vetëm kaq, asgjë më shumë. Nuk ka kuptim të shikosh drejt së nesërmes nëse nuk mendon për të tashmen. Do të gjejmë zgjidhjen e duhur për t’u përballur me mungesat e shumta për shkak të dëmtimeve. Lojtarët që kam në dispozicion janë gjithmonë më të rëndësishmit për mua”.

“Kur të mungojnë kaq shumë lojtarë dhe të njëjtët lojtarë luajnë gjithmonë, është e natyrshme të mbingarkohesh”, vazhdoi Conte. “Po përpiqemi të qëndrojmë të fortë dhe ta bëjmë mirë. I përgëzoj djemtë, por është e qartë se po vuajmë. Disa dëmtime, si ato të Neres dhe Meret, janë të pashpjegueshme. E dimë që po përballemi me një ekip të shkëlqyer, shumë të përgatitur fizikisht dhe taktikisht, dhe do të jetë një stadium shumë i ngrohtë. Tifozët tanë po vijnë dhe ne jemi të lumtur. Ata do të na japin një dorë të madhe në arritjen e diçkaje të veçantë”.