Cindy McCain synon të japë dorëheqjen nga posti i drejtueses së Programit Botëror të Ushqimit të OKB-së.

McCain e bëri këtë deklaratë në faqen e tij në rrjetin social “X”.

“Shpresoja ta përfundoja mandatin tim, por shëndeti im nuk është rikuperuar në një nivel që do të më lejonte të përmbushja plotësisht kërkesat e mëdha të këtij pozicioni. Ky është një nga vendimet më të vështira që më është dashur të marr ndonjëherë”, shkroi ajo.

Duhet theksuar se Cindy McCain, bashkëshortja e senatorit të ndjerë republikan John McCain, kishte shërbyer në këtë pozicion që nga viti 2023, pasi shërbeu si ambasadore e SHBA-së në agjencitë e OKB-së për ushqimin dhe bujqësinë.

Ajo pësoi një goditje në tru në tetor. Sipas një deklarate nga Programi Botëror i Ushqimit, pritej që ajo të shërohej plotësisht. Cindy McCain ishte kthyer në shtëpinë e saj në Arizona për rehabilitim dhe planifikonte të kthehej në selinë e organizatës në Romë sapo të merrte miratimin nga mjekët e saj.