Eva dhe Mateo, pretendohet se janë emrat e fëmijëve të Cristiano Ronaldos, që raportohet se të enjten është bërë baba i dy binjakëve.
Televizioni portugez “SIC”, raporton se ylli i Real Madridit, Cristiano Ronaldo, është bërë baba i dy binjakëve, të cilët kanë ardhur në jetë të enjten (8 qershor).
Për një gjë të tillë kanë filluar tashmë të raportojnë gjitha mediat botërore, po ashtu edhe “Daily Mail”, “The Sun” e shumë të tjera, pavarësisht se ende nuk ka asgjë zyrtare.
‘Është sekret që Ronaldo ende nuk ia ka treguar botës’, raporton televizioni portugez.
Ronaldo po ashtu ka një fëmijë, nëna e të cilit mbahet e fshehur. Bëhet fjalë për Ronaldo Junior që ka vetëm gjashtë vjet.
Portugezi është në lidhje me Georgina Rodriguez pothuajse që një vit dhe raportohet se edhe ajo është shtatzënë.
