“Dhuna çon vetëm në më shumë konflikte dhe një zgjidhje e qëndrueshme mund të arrihet vetëm përmes dialogut”, tha udhëheqësi shpirtëror budist Dalai Lama, duke bërë thirrje për paqe në Lindjen e Mesme, si dhe në Rusi dhe Ukrainë.
Në një letër të botuar në X, udhëheqësi fetar 90-vjeçar (emri i vërtetë Tenzin Gyatso) tha se mbështet thirrjen e Papa Leo XIV për paqe.
“Historia na ka treguar vazhdimisht se dhuna vetëm sa ngjall më shumë dhunë dhe nuk është kurrë një bazë e qëndrueshme për paqe”, tha ai. “Një zgjidhje e qëndrueshme për konfliktet, përfshirë ato që shohim në Lindjen e Mesme ose midis Rusisë dhe Ukrainës, duhet të bazohet në dialog, diplomaci dhe respekt të ndërsjellë – me kuptimin se, në një nivel më të thellë, ne të gjithë jemi vëllezër dhe motra”, shtoi laureati i Çmimit Nobel për Paqen.
“Unë kërkoj dhe lutem që dhuna dhe konfliktet të përfundojnë së shpejti”, shtoi ai.
MESSAGE
I wholeheartedly endorse the powerful appeal for peace made by the Holy Father, Pope Leo, during his Palm Sunday Mass. His call for the laying down of arms and the renunciation of violence resonated profoundly with me, as it speaks to the very essence of what all major… pic.twitter.com/Md0riCApbM
— Dalai Lama (@DalaiLama) March 31, 2026
