Danimarka ka rënë dakord t’i bashkohet strategjisë së re të Francës për parandalimin bërthamor, njoftoi kryeministrja Mette Frederiksen .

Presidenti francez Emmanuel Macron tha më parë se synon të rrisë arsenalin bërthamor të vendit të tij dhe të forcojë fuqinë e tij parandaluese, duke bashkëpunuar me partnerët e saj evropianë, duke ecur kështu përpara me një ndryshim të madh në doktrinën bërthamore të Parisit.

“Një bashkëpunim më i fortë do të ndihmojë në forcimin e parandalimit të Evropës. Fatkeqësisht, kjo është e nevojshme sepse kërcënimi ushtarak nga Rusia pritet të rritet në vitet e ardhshme”, u tha Frederiksen gazetarëve.

“Dëshirojmë të theksojmë sot se bashkëpunimi strategjik do të plotësojë dhe në asnjë mënyrë nuk do ta zëvendësojë bashkëpunimin që kemi me NATO-n në fushën e parandalimit”, shtoi ajo.

Ministri i Mbrojtjes Trolls Lund Poulsen sqaroi se bashkëpunimi strategjik nuk do të thotë që armët bërthamore do të vendosen në tokën daneze.