Ish-kryeministri dhe ish-presidenti rus Dmitry Medvedev iu referua tre shteteve baltike si “pjesë të Rusisë” të martën, ndërsa shtoi se Polonia ishte “përkohësisht e pushtuar”, në një deklaratë që ka sjellë reagime në rajon.

Duke shkruar në Twitter, ish-kryeministri rus iu referua Lituanisë, Letonisë dhe Estonisë si provinc “ruse”, duke thënë se ato e kishin “ndotur veten” me veprimet pas pushtimit të Ukrainës.

Komentet raportohet se ishin në përgjigje të vërejtjeve të bëra nga Emmanuel Macron javën e kaluar se Moska “tashmë kishte humbur gjeopolitikisht”.

Tre shtetet e vogla baltike u pushtuan nga Bashkimi Sovjetik derisa u ndanë në vitin 1991. Ideja e Bashkimit Sovjetik shihet negativisht nga një pjesë e madhe e popullsisë në këto vende, të cilët kanë përqafuar të ardhmen e tyre brenda BE-së dhe NATO-s.

Shqetësimet janë rritur në Baltik për kërcënimin e paraqitur nga Rusia që kur ajo pushtoi Ukrainën në shkurt. Ata janë mbështetës të zëshëm të Ukrainës, duke ofruar ndihmë, armë dhe duke pritur një popullsi të konsiderueshme refugjatësh ukrainas.