Kancelari gjerman Olaf Scholz theksoi rëndësinë e mbajtjes së rrugës së hapur për Ukrainën për t’u bashkuar me Bashkimin Evropian dhe hodhi poshtë sugjerimet se vendi ishte fajtor për pushtimin e saj nga Rusia, në një intervistë radiofonike të transmetuar të enjten.

I pyetur nëse ai ndan pikëpamjen e Presidentit të SHBA Donald Trump, në përputhje me presidentin rus Vladimir Putin, se Ukraina ishte fajtore për luftën, Scholz i tha transmetuesit publik ARD: “Nuk është. Ne në Evropë insistojmë për këtë.”

“Për këtë arsye, BE-ja po e mban hapur derën për Ukrainën si një anëtare e mundshme. Ukraina nuk duhet të pengohet në vendimin e saj për të qenë një komb demokratik dhe sovran në rrugën e saj drejt Evropës”. shtoi  kancelari gjerman.

Në rastin e një zgjidhjeje të ardhshme paqeje, kancelari gjerman theksoi se Ukraina duhet të ketë një ushtri të fortë, “për të cilën Evropa dhe partnerët ndërkombëtarë dhe transatlantikë do të ndajnë përgjegjësinë.

Evropa po përpiqet të gjejë një përgjigje ndaj politikës së Trump për luftën, pasi bisedimet e nivelit të lartë SHBA-Rusi mënjanuan Ukrainën dhe mbështetësit e saj evropianë, duke ngritur frikën se udhëheqësi amerikan mund të bëjë lëshime ndaj Moskës për t’i dhënë fund luftës.

(BalkanWeb)