I ashpër është treguar kreu i PD Sali Berisha në fjalën e tij pas vizitës në SPAK në zbatim të masë së sigurisë “Detyrim Paraqitje”.

Referuar gjyqtares Irena Gjoka, Berisha u shpreh se drejtësia është e qeverisur nga “zuzarë”, pasi ndërsa amnistohen krimet e gjyqtarëve, të rinjtë dënohen me vite burg për pak gramë mariuhanë në posedim.

“Të kuptojnë shqiptarët çfarë zuzarësh qeverisin drejtësinë shqiptare. Këta janë turpi i turpeve. Mund të jenë vetëm në narko republikën e Ramës. Kjo është për çdo qytetar, se Berisha e ka të thjeshtë. Këta vendosin për drejtësinë e shqiptarëve. Këta që dënojnë 5 vite një të ri për 2 gram mariuhane, amnistojnë krime të shëmtuara të një gjykatësi që duhet të ketë në burg”, tha ai.