I mirënjohuri Fabio Capello ka bëreë analizën e tij para derbit Milan-Inter që mbahet në fundjavë.

“Fitorja e Milanit do ta mbante gjallë garën për titull , por për të mirën e futbollit italian, tifozët neutralë duhet, mbi të gjitha, të shpresojnë për një ndeshje të këndshme, të luajtur me ritëm të lartë, konkurruese, të arbitruar mirë, me lojën që lihet të rrjedhë dhe pa ndërprerje të vazhdueshme.

“Në fund të fundit, po flasim për vendin e parë dhe të dytë në renditje, duke u përballur me njëri-tjetrin në një ndeshje të transmetuar në shumë vende jashtë vendit. Do të ishte e rëndësishme të tregohej se futbolli italian është cilësor dhe jo i mërzitshëm për t’u parë”, tha Capello.