Kuzhinieri i njohur, konkurrenti i “Master chef Albania” Indrit Çela, 39 vjeç është marrë nga autoambulanca e qendrës shëndetësore të Fushë-Krujës në vendin e quajtur Ura e Gjolës pasi kishte dëmtime të shumta.

Indrit Çela për punonjësit e policisë dhe stafin mjekësor të kësaj qendre ka deklaruar se është përfshirë në aksident me një automjet i cili është larguar nga vendngjarja, por kjo nuk i ka bindur efektivët e policisë të cilët dyshonin se Çela ishte i përfshirë në një sherr.

Indrit Çela kishte dëmtime në kokë e fytyrë dhe pamjet e marra nga News24 mbrëmjen e kaluar janë vetëm pak minuta pasi ngjarja ka ndodhur nuk tregojnë shenja aksidenti.

“JOQ Albania” ka publikuar dhe disa fragmente të rrahjes brutale që disa të rinj i bëjnë kuzhinierit. Ngjarja ka ndodhur mbi urë në aksin Fushë-Krujë- Rinas – Vorë.

Nuk dihen shkaqet apo autorët e këtij konflikti dhe as motivi pse Çela ka deklaruar që është përfshirë në aksident dhe nuk ka treguar që është dhunuar nga disa të rinj duke fshehur ngjarjen.