Policia e Dibrës ka parandaluar një ngjarje kriminale, duke arrestuar një 46-vjeçar, që ushtronte dhunë dhe kërcënonte për vrasje bashkëshorten

Në pranga ka rënë shtetasi E. P., ndërsa i janë sekuestruar një armë zjarri automatik dhe 18 fishekë.

Njoftimi i policisë:

Shërbimet e Komisariatit të Policisë Dibër pas informacione të marra se një shtetas ushtronte dhunë në familje, kanë organizuar punën dhe falë ndërhyrjes së shpejtë e profesionale kanë bërë të mundur parandalimin dhe përshkallëzimin e mëtejshëm të dhunës.

Gjatë kontrollit të banesës së shtetasit E. P., u gjet dhe u sekuestrua një armë zjarri automatik dhe disa fishek, më të cilën kishte kanosur për vrasje bashkëshorten e tij.

Në përfundim të veprimeve hetimore, u bë arrestimi në flagrancë i shtetasit E. P., 46 vjeç, banues në Dibër.

Materialet procedurale do ti referohen Prokurorisë Dibër për veprat penale “Armëmbajtja pa leje”, “Dhunë në familje”.

D2b762ee 9707 4852 B954 2fc5a5facb40
D2b762ee 9707 4852 B954 2fc5a5facb40

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb