I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak dhe kryeministri i Kosovës, Albin Kurti, janë takuar këtë të mërkurë në Forumin Ekonomik në Davos.
Në një postim në Twitter, Lajçak ka zbuluar zbuluar detaje nga takimi.
Ai theksoi se me kreun e qeverisë së Kosovës, veç të tjerash kanë pasur një diskutim të thelluar për hapat e ardhshëm në dialog në mënyrë që të arrihet normalizimi i marrëdhënieve Kosovë-Serbi.
“Fillova ditën time në Davos me një diskutim të thelluar me kryeministrin e Kosovës, Albin Kurti. Diskutuam për hapat e ardhshëm në dialog për normalizimin e marrëdhënieve dhe çështjet aktuale”, ka shkruar Lajçak në Twitter.
Lajçak pritet që gjatë kësaj jave të vizitojë Prishtinën.
Started my day in Davos at #wef23 with an in-depth discussion with Prime Minister @albinkurti. We spoke about next steps in the Dialogue on normalisation of relations and pressing current issues. pic.twitter.com/rQhksDaIf9
— Miroslav Lajčák (@MiroslavLajcak) January 18, 2023
