Kryenegociatorët e Kosovës dhe Serbisë do të zhvillojnë sot takim për të diskutuar lidhur me çështjen e dinarit.

Ky është takimi i katërt me radhë për këtë çështje.

Emisari i Posaçëm i Bashkimit Evropian për dialogun Kosovë-Serbi, Miroslav Lajçak, në fillim të javës ka njoftuar se do të presë kryenegociatorët e Kosovës dhe Serbisë për një raund tjetër bisedimesh për të diskutuar për “zgjidhjen” lidhur me dinarin.

Lajçak ka takuar fillimisht përfaqësuesin e Serbisë Petkoviç, ndërsa takimi i tyre sapo ka mbaruar.

Pas takimit me Petkoviçin, Lajçak do të takohet veçmas edhe me kryenegociatorin e Kosovës, Besnik Bislimi.

Më pas do të ketë takim trepalësh.