Kremlini ka deklaruar se konferenca për Ukrainën e planifikuar të mbahet në Zvicër në qershor është “e kotë”. Kështu u shpreh zëdhënësi i Kremlinit Dmitry Peskov.

“Deri më tani, ne kemi parë një përpjekje për të përgatitur një konferencë në Zvicër. Një konferencë e cila, nga këndvështrimi ynë, është absolutisht e kotë për sa i përket kërkimit të disa mënyrave për zgjidhjen e konfliktit rreth Ukrainës,” tha ai.

Zyrtari i Kremlinit e quajti idenë për të diskutuar këto çështje në një samit pa Rusinë si “absurde”.

Ai shtoi se “megjithatë, vendet perëndimore vendosën të përfshiheshin gjithsesi në këtë çështje absurde”.