Nuk është më një mister se Kylian Mbappe po luan sezonin e tij të fundit te PSG. Në Madrid janë duke bërë përgatitjet e fundit për të mirëpritur një “gjelin” më të famshëm. Mediat spanjolle kanë zbuluar detaje të tjera nga ky transferim, nga e ardhmja e Mbappes në Madrid. Pavarësisht se mungon njoftimi zyrtar, palët janë takuar, kanë diskutuar së bashku çdo detaj, madje edhe kanë firmosur.
![Mbappe](https://www.balkanweb.com/wp-content/uploads/2024/04/mbappe-2.jpg)
Ndryshe nga PSG, në Madrid, Mbappe do të ketë një rol të ri, do të luajë në qendër të sulmit, do të jetë numri 9 i ekipit. KM7 ka pranuar këtë rol të ri që Ancelotti ka menduar për të. Sigurisht, nuk është një pozicion që Mbappe nuk e njeh, në takime të caktuara ka luajtur në qendër, por në këtë pikë të karrierës së tij, kur synon trofe me ekipin, por dhe “Topin e Artë”, për Mbappen është një mundësi shumë e mirë të jetë më afër zonës, të shënojë më shumë gola, të ketë më shumë shanse për të fituar “Topin e Artë”. Njerëz të afërt me Mbappe-s kanë folur në lidhje me këtë rol të ri, me këtë aventurë të re në Madrid:
![As](https://www.balkanweb.com/wp-content/uploads/2024/04/AS-1.jpg)
“Kylian e di se duke luajtur për Real Madrid do të jetë me e lehtë të fitojë Champions League dhe Topin e Artë. Nëse ai do të fitonte Këpucën e Artë do të kishte më shumë shanse për të fituar edhe Topin e Artë, ky rol është perfekt për të”, theksuan burime pranë lojtarit për të përditshmen spanjolle AS.
(BalkanWeb)