Ditën e sotme hyn në fuqi Amnistia Penale nga e cila do të lirohen 700 persona dhe 400 të dënuar përfitojnë ulje dënimi.

Megjithatë një problematikë është vërejtur në burgun e Fushë- Krujës.

Pavarësisht se nga Amnistia duhet të përfitonin edhe 30 të dënuar, ata janë penalizuar nga një vonesë procedurale.

Gazetari Andi Shota raporton për BalkanWeb se janë 30 të dënuar në burgun e Fushë-Krujës që duhet të përfitonin nga amnistia por e kanë te pamundur pasi nuk janë zbardhur vendimet nga ana e prokurorëve.

Nëse këto të dënuar nuk do lirohen sot, ata do të detyrohen që t’i drejtohen gjykatave për të përfituar nga amnistia.