Departamenti Amerikan i Drejtësisë do të publikojë dokumente që lidhen me të ndjerin Jeffrey Epstein brenda 30 ditësh.

Prokurorja e Përgjithshme e SHBA-së, Pam Bondi, e bëri njoftimin gjatë një konference për shtyp në Uashington, pasi Kongresi votoi pothuajse unanimisht për publikimin e materialeve.

Ky material mund të hidhte dritë mbi aktivitetet e Epstein para vitit 2008, kur ai u dënua për nxitjen e të miturve për prostitucion.

Bondi tha se departamenti do të mbrojë gjithashtu identitetin e të gjitha viktimave të trafikimit seksual të përmendura në dokumente: “Ne do të vazhdojmë të ndjekim ligjin dhe të përpiqemi për transparencë maksimale.”