Në një operacion të gjerë ndërkombëtar të quajtur “RapTor”, Europol dhe autoritetet e shumta ligjore kanë arrestuar 270 individë të përfshirë në rrjete kriminale që operonin në “dark web”.

Ky aksion ka çmontuar rrjete që merreshin me trafikimin e drogës, armëve dhe mallrave të falsifikuara.

Operacioni përfshiu shtete të ndryshme, duke përfshirë Shtetet e Bashkuara të Amerikës, ku shumica e arrestimeve u realizuan, si dhe vende të tjera si Zvicra, Gjermani dhe Belgjikë.

Gjatë operacionit, janë sekuestruar mbi 2 ton drogë, përfshirë 144 kg fentanil, dhe janë konfiskuar mbi 180 armë zjarri.

Po ashtu, janë bllokuar mbi 200 milionë dollarë në para dhe kriptovaluta.

Ky aksion është një dëshmi e bashkëpunimit të ngushtë ndërkombëtar për të luftuar krimin e organizuar që përdor teknologjinë për të operuar në mënyrë anonime.

270 arrestimet u bënë në vendet e mëposhtme:

SHBA: 130

Gjermania: 42

Mbretëria e Bashkuar: 37

Franca: 29

Koreja e Jugut: 19

Austria: 4

Holanda: 4

Brazili: 3

Zvicra: 1

Spanja: 1

(BalkanWeb)