Bosi mafioz i Camorras, i superkërkuari Marco Di Lauro është kapur dje në periferi të Napolit. Në kërkim prej rreth 14 vitesh, Di Lauro ishte personi i dytë më i rrezikshëm i kërkuar në Itali pas Matteo Messina Denaro.

Kur policia hyri në shtëpinë e tij, ai ishte duke ngrënë makarona. Kapja e tij mund të lidhet me vrasjen e disa femrave që ndodhi në Milito, ku është përfshirë një i mbrojtur special, në të kaluarën i afërt i klanit.

Di Lauro ishte në kërkim me akuzën për organizatë kriminal e tipit mafioz dhe krime të tjera dhe në vitin 2006 janë zhvilluar kërkime edhe në nivel ndërkombëtar.
Djali i katërt i bosit Paolo Di Lauro ishte në kërkim që nga 7 dhjetori 2004, kur ai i shpëtoi operacionit të policisë “nata e prangave”, në të cilin rreth një mijë agjentë pushtuan Scampian dhe Secondiglianon dhe ekzekutuan 53 urdhra arresti.

  • foto galeri
  • foto galeri
  • foto galeri

Ai është i dënuar me burg të përjetshëm për vrasjen e Attilio Romano, i vrarë gabimisht në janar të vitit 2005 gjatë gjakmarrjes së parë të Scampias.
Zona ku u kap superbosi i Camorras ishte prej kohësh nën vëzhgimin e rreptë të forcave të rednit. Hetuesit e dinin se strumbullari i klanit të fuqishëm të lagjes së Secondigliano nuk mund të ishte shumë larg.

Rruga “Emilio Scaglione”, rruga e gjatë që çon drejt rripit në veri të Napolit, është vetëm pak kilometra nga ajo që dikur ishte rezidenca e klanit. Pasi u siguruan se personi që donin ishte në shtëpi, policia dhe karabinierët hynë në veprim, duke e mbyllur operacionin për pak minuta.

Klani i Di Lauro ishte protagonist në vitet mes 2003 dhe 2005 të një prej hakmarrjeve më të përgjakshme të Camorras. Vendi ku ndodhën ishin lagjet e zonës veri-perëndimore të Napolit, ato të Secondiglianos dhe Scampias.

Shkak për nisjen e sagës së hakmarrjeve ishte kontrolli i trafikut të drogës në zonë, pasi disa ish-pjesëtarë të klanit tentuan të dilnin më vete por u përplasën me besnikë të klanit.
Marco, mes djemve të Paolo Di Lauro, me nofkën Ciruzzo ‘ose’ milioneri ‘(për disponibilitetin e tij financiar), është konsideruar gjithmonë më i zgjuari.

“Ai nuk ishte i armatosur dhe nuk bëri rezistencë ndaj forcave të policisë, por u shqetësua për macet. U kap, ndërsa ishte në shtëpi me partneren e tij, hante makarona dhe stika, ndërsa gruaja e tij po bënte punët e shtëpisë”, tha shefi i policisë së Napolit, Antonio De Jesu, i cili zbriti nga zyra e tij për të mirëpritur punonjësit e policisë të cilët së bashku me Karabinierët kishin kryer operacionin. Policët që morën pjesë në operacion shumë të gëzuar për rezultatin u përqafuan me njeri-tjetrin.

Përqafimi i partneres

Di Lauro Perqafohet Nga Gruaja
Di Lauro Perqafohet Nga Gruaja

I kënaqur u shpreh edhe komandanti i qarkut të Karabinierëve të Napolit, koloneli Ubaldo Del Monako, i cili theksoi se operacioni u zhvillua nën koordinimin e Prokurorisë së Napolit të udhëhequr nga prokurori Melillo. “Jemi të kënaqur”, shtoi Del Monaco.

Kënaqësi për arrestimin e Di Lauro u shpreh edhe nga Kryeministri italian Giuseppe Conte, nga ministrat Matteo Salvini dhe Alfonso Bonafede, si dhe nga Presidenti i Komisionit Anti-Mafia Nicola Morra.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb