Dy shtetas francezë që punojnë në Qendrën Kombëtare për Kërkime Shkencore (CNRS) kanë pranuar se kanë sulmuar konsullatën ruse në Marsejë, thanë prokurorët të mërkurën.

Raporti bën të ditur përmes mediave franceze se njëri nga të dyshuarit është inxhinier, ndërsa tjetri kimist. Të hënën, më 24 shkurt, ata hodhën tre shishe plastike me një përzierje kimikatesh në kopshtin e konsullatës. Askush nuk u lëndua dhe nuk u raportuan dëme.

Pala ruse e cilësoi incidentin si një akt terrorist, ndërsa qeveria franceze dënoi çdo shkelje të sigurisë diplomatike.

Të dyshuarit u identifikuan gjatë një mitingu pro-ukrainas në Marsejë në të njëjtën ditë.

 

(A.A/BalkanWeb)