Një anije ruse mallrash e sanksionuar nga Shtetet e Bashkuara dhe e implikuar në transferimin e armëve të Koresë së Veriut në Rusi është ankoruar në Kinë. Kështu ka raportuar Reuters, teksa ka publikuar disa imazhe satelitore, ndërsa shqetësimet e SHBA rriten për mbështetjen e Pekinit për luftën e Moskës në Ukrainë.

Biden nënshkroi paketën e ndihmës prej 95 miliardë dollarësh për Ukrainën, Izraelin dhe Tajvanin. Raketat me rreze të gjatë veprimi Atacms tashmë janë dërguar në Kiev, por Kremlini është përgjigjur: “Ato nuk do ta ndryshojnë konfliktin”.

Kujtojmë se Papa Françesku bëri thirrje dje për armëpushim në Ukrainë, por dhe në Lindjen e Mesme. “Negociatat janë më të mira se luftërat e pafundme”, thotë Papa. Ndërkohë, presidenti rus Vladimir Putin ka njoftuar se do të vizitojë Kinën muajin e ardhshëm. Lajmi është bërë i ditur nga agjencia Ria Novosti.
(BalkanWeb)