Një vrasje është shënuar pak pas mesnate në fshatin Bërxullë të Vorës. Viktimë ka mbetur 50-vjeçari Edmond (Ali) Sula, i cili dyshohet se është qëlluar me armë zjarri teksa ka qenë duke lëvizur në këmbë në rrugë.

Gazetarja Xhensila Kodra raporton për News24 dhe BalkanWeb se 50-vjeçari është qëlluar teksa po hynte në shtëpi.

Një grup hetimor është ngritur për zbardhjen e ngjarjes, ndërsa policia po punohet për të identifikuar autorin/ët e mundshëm.

Njoftimi i policisë:

Më datë 12.07.2026, rreth orës 00:10, në fshatin Bërxullë, Vorë, dyshohet se është vrarë me armë zjarri shtetasi E(A). S., rreth 50 vjeç, i cili ka qenë në rrugë, duke lëvizur në këmbë.

Një grup i posaçëm hetimor, nën drejtimin e Prokurorisë, ndodhet në vendngjarje dhe vijon punën për sqarimin e rrethanave të ngjarjes, si dhe për fiksimin e çdo prove që do të ndihmojë në zbardhjen e saj, identifikimin dhe kapjen e autorit/ëve të dyshuar.

Shërbimet e Policisë kanë ngritur pika kontrolli dhe po ushtrojnë kontrolle në zonë, me qëllim kapjen e autorit/ëve.