Dy këmbë bronzi mbijnë nga një bllok guri. Kaq ka mbetur nga statuja e Zllatan Ibrahimoviç, e cila peshonte 500 kilogramë dhe që u përurua tetorin e shkuar jashtë stadiumit të Malmos, në kujtim të heroi lokal dhe një prej yjeve më të mëdhenj të futbollit suedez.

Pasi u pre te kaviljet dhe u rrëzua përtokë në aktin e fundit vandal ndaj saj, statuja është çuar në një vend sekret ku do t’i nënshtrohet një serie riparimesh.

Që kur Ibra shpalli nëntorin e shkuar blerjen e Hamarbit, klub i Stokholmit dhe rival i Malmos, tifozët e qytetit të tij u zemëruan shumë dhe e cilësuan si një akt tradhëtie. Statuja do të kthehet aty ku ishte pasi të riparohet dhe në pranverë autoritet do të vendosin në do ta zhvendosin në një tjetër vend.

(Balkanweb)