Denise Yvonne Jarvis Gongora, 33 vjeç, nga Meksika, e cila u bë e famshme me emrin Maria Magdalena për varësinë e saj nga kirurgjia plastike, vdiq tragjikisht pasi ra nga kati i 9-të i një hoteli në Tajlandë. Sipas mediave lokale, tragjedia ndodhi në Kullën Patong ku 33-vjeçarja kishte qëndruar për një natë. Trupi i gruas, e cila kishte shpenzuar mbi 430,000 euro për kirurgji plastike, u gjet në parkingun e hotelit në mesditë të premten.

Siç raporton Daily Mail, disa orë para rënies, 33-vjeçarja kishte postuar në rrjetet sociale skenën e fundit të filmit The Truman Show me një foto të fëmijërisë së saj. Në skenën në fjalë, personazhi i luajtur nga Jim Carrey përkulet përpara se të thotë: “Dhe në rast se nuk të shoh më, mirëmbrëma, mirëmbrëma dhe natën e mirë”.

“Do të doja të kisha ndarë më shumë kohë për të të njohur. Je kaq qesharake dhe kaq krijuese, shumë më tepër sesa do të jem ndonjëherë. Të dua shumë më tepër sesa mund të shprehin fjalët. Ti je bota ime. Do të doja që gjërat të ishin ndryshe. Faleminderit për gjithçka, të dua motra ime”, tha vëllai i saj në një postim. 33-vjeçarja kishte gati gjysmë milioni ndjekës falë kirurgjisë së saj ekstreme plastike, ndërsa postonte edhe piktura, skulptura dhe autoportrete psikedelike.

Në deklaratat e saj, ajo kishte përshkruar se si ishte rritur në një shtëpi rreptësisht fetare, ku edhe filmat e Disney ishin të ndaluar. Kur ishte 12 vjeç, ajo tha se u rebelua dhe shpejt filloi të përfshihej në seks dhe drogë, ndërsa reagonte ndaj edukimit të saj. Në moshën 17 vjeç, ajo punoi si striptiste dhe më vonë si eskortë. Ajo bëri ndërhyrjen e parë kirurgjikale kozmetike në moshën 21 vjeç dhe më vonë filloi të fitonte para nga OnlyFans duke e mbuluar trupin me tatuazhe.