Miqtë e shqiptarit Viktor Picaku që u ekzekutua mbrëmjen e kaluar në Corato, Bari, kanë postuar një sërë mesazhesh pas humbjes së 23-vjeçarit.
Në rrjetet sociale ata e kanë përshkruar Viktorin si një mik të mirë, ndërsa nuk kanë munguar kërcënimet për autorët e krimit që i mori jetën të riut shqiptar.
“Të njihja prej pak kohësh por e ndieja se ishe një person i mrekullueshëm, tani me siguri ndodhesh në një vend më të mirë se i yni, pusho në paqe miku im”, shkruan një prej miqve.
Por aq sa kuptohet nga rrjetet sociale, 23-vjeçari pjesën më të madhe të miqve e kishte italianë, e pikërisht ata i kanë dhënë lamtumirën në rrjetet sociale duke e kujtuar mikun e tyre me mesazhe prekëse.
“Vëlla, pusho në paqe, do të jesh përgjithmonë në zemrën time, pa fjalë vëlla”, shkruan një tjetër mik i Viktorit.
“Do ta paguani”, shkruan një shoqe e viktimës, duke kërcënuar autorët.
(m.k/BalkanWeb)
