Gara për kryeministrin e ri të Britanisë së Madhe dhe kreun e Konservatorëve ka hyrë në një nivel të ethshëm, teksa dy kandidatët, Rishi Sunak dhe Liz Truss i kanë shfrytëzuar intervistat në media për t’u përplasur në distancë lidhur me pikëpamjen e tyre mbi menaxhimin e fluksit të azilkërkuesve.

Rishi Sunak ka dyfishuar mbështetjen e tij për politikën e qeverisë për deportimin e emigrantëve të paligjshëm që kërkojnë azil në Britani për në Ruanda, duke thënë se “asnjë opsion nuk është jashtë tryezës”.

Kjo shihet si një tentativë e tij për të lënë të kuptohet se do ta bëjë ligjin e Ruandës të funksionojë nëse ai bëhet kryeministër.

Ish-kancelari dha mendimin e tij edhe për mënyrën sesi do të trajtojë kalimet me gomone të vogla në kanalin e La Manshit, ku duhet thënë se ky kalim është bërë praktikë e zakonshme në muajt e fundit edhe nga qindra të rinj e familjarë shqiptarë që synojnë të shkojnë në ishull.

“Unë kam thënë se ne duhet të shikojmë të gjitha zgjidhjet kreative për t’u siguruar që kemi vendet që na duhen për të ndaluar refugjatët. Dhe unë jam i përgatitur të shikoj zgjidhje të reja. Ne duhet ta trajtojmë këtë problem në mënyrë krijuese sepse është një sfidë e madhe. Dhe për momentin nuk po funksionon ashtu siç duhet. Si kryeministër do ta rregulloj. Unë kam thënë se asnjë opsion nuk duhet të jetë jashtë tavolinës. Ne kemi një projektligj të ri britanik të të drejtave që po futet në parlament dhe besoj se do të ndihmojë në zgjidhjen e sfidave. Dhe unë kam vendosur disa pika të tjera të tjera në plan sot duke thënë se si ne mund t’i bëjmë gjërat ndryshe nga Konventa Evropiane për të forcuar aftësinë tonë për të dëbuar njerëzit që nuk duhet të jenë këtu dhe të mbrojmë kufijtë tanë”, tha Sunak.

Njëjtë si Sunak dhe rivalja Liz Truss është përpjekur të josh anëtarët konservatorë me idetë e saj mbi çështjen e kontrollit të kufijve të Britanisë mbizotëroi, me Sekretaren e Jashtme që u zotua se “nuk do të fshihet” pas Gjykatës Evropiane të të Drejtave të Njeriu, që së fundmi bllokoi planin e Boris Johnson për të dërguar emigrantët në Ruandë.

Truss u zotua dje se do të marrë përsipër vendimet e GJEDNJ-në pasi imigracioni u vu në qendër të vëmendjes së balotazhit të lidershipit konservator.

“Si kryeministre, jam e vendosur të shoh politikën e Ruandës deri në zbatimin e plotë, si dhe të eksploroj vende të tjera ku mund të punojmë për të ngjashme partneritete. Do të sigurohem që të kemi nivelet e duhura të forcës dhe mbrojtjes në kufijtë tanë. Unë nuk do t’i drejtohem Gjykatës Evropiane të të Drejtave të Njeriut (GJEDNJ) dhe përpjekjeve të saj të vazhdueshme për të provuar dhe kontrolluar politikën e imigracionit”, tha Truss.

Truss u zotua gjithashtu të rishqyrtojë idenë e diskutueshme për t’i kërkuar Forcës Kufitare të ndjekë emigrantët që tentojnë të kalojnë La Manshin dhe t’i tërheqë ata mbrapsht në Francë.

Ideja u braktis nga Boris Johnson këtë vit pas paralajmërimeve se përbënte një rrezik shumë të madh për jetën. Por burimet e fushatës thanë se Truss do të eksploronte “të gjitha taktikat e mundshme” për të kthyer varkat dhe për të dekurajuar të tjerët nga kalimi i rrezikshëm.