Listës së hapur të PS në Qarkun e Tiranës i është bashkuar edhe Endri Braimllari, ish-Sekretari Organizativ i Partisë së Lirisë. Braimllari u largua nga PL pas përplasjeve të ashpra me Ilir Metën disa muaj më parë.
Në zgjedhjet e 11 majit, Braimllari do të kërkojë votat në listën e hapur të socialistëve.
Gjithashtu, një tjetër opozitar në listat e PS është Blendi Sulaj, ish-nënkryetar i Partisë Republikane.
Sulaj ka qenë edhe pjesë e PD-së, si anëtar i Këshillit Kombëtar të saj.
Ndërkohë, më herët BalkanWeb raportoi se një emër i njohur në radhët e demokratëve, ish-deputeti i Qarkut të Kukësit, Alban Zeneli kandidon në 11 maj për Partinë Socialiste.
Ndërsa në Qarkun e Fierit, PDIU-së i ikën ish-deputeti Nusret Avdulla i cili është bërë pjesë e listave të PS.
(BalkanWeb)
