Deputeti i Partisë Socialiste, Eljo Hysko, ka treguar gjendjen e tij shëndetësore, pas lajmit se është i infektuar me koronavirus.
Përmes një postimi në Facebook, deputeti shkruan se është në gjendje të mirë shëndetësore, por tregon se i është dashur të marrë edhe trajtim mjekësor.
Deputeti është konfirmuar i infektuar me Covid dy ditë më parë bashkë me dy kolegët e tij, Ralf Gjoni dhe Enver Roshi.
Mesazhi i deputetit:
Të dashur miq,
Ju falenderoj nga zemra për interesimin e sinqertë ndaj meje dhe familjes time pas publikimit të lajmit në media.
Fatmirësisht gjendja ime shëndetësore pas trajtimit mjekësor është shumë e mirë.
Mirënjohje për punonjësit e palodhur të shëndetësisë që këto ditë përballen me rrezikun dhe punojnë për të shpëtuar jetë.
Virusi është i rrezikshëm dhe ka goxha pasoja serioze ndaj jua them nga zemra bëni kujdes vendosni maskën, ruani distancimin social dhe higjenën personale.
Le t’i japim një dorë mjekëve në punën e tyre duke u bërë edhe më të kujdesshëm në jetën tonë të përditshme.
(BalkanWeb)