Drejtoria e Përgjithshme e Burgjeve ka zhvilluar një kontroll të befasishëm në ambientet e burgut të Durrësit, ku vuajnë dënimin edhe disa politikanë dhe zyrtarë.

Gjatë kontrollit janë sekuestruar tre telefona celularë iPhone, të cilët rezultonin të ndezur dhe funksionalë. Njëri prej tyre u gjet në posedim të të paraburgosurit me iniciale B.G.

Dy celularët e tjerë, së bashku me një palë kufje bluetooth, janë konstatuar pa posedues në ambientet e institucionit.

Sipas Drejtorisë së Burgjeve, materialet janë referuar te Specialistët e Shërbimit të Kontrollit të Brendshëm për veprime të mëtejshme hetimore. Në njoftim theksohet se ky operacion është “një tjetër dëshmi e vendosmërisë për të goditur çdo tentativë për cenimin e sigurisë në institucionet penitenciare”.

Njoftimi:

Stop sendeve të ndaluara në IEVP Durrës

Në vijim të informacioneve të siguruara nga strukturat operative të IEVP Durrës dhe pas analizës së riskut, Drejtoria e Përgjithshme e Burgjeve ndërmori një aksion të befasishëm kontrolli në këtë institucion.

Kontrolli u zhvillua në orët e para të mëngjesit, në zbatim të Urdhrit Nr. 626, datë 07.04.2026, me pjesëmarrjen e Forcave Speciale të DPB.

Gjatë operacionit u ushtrua kontroll në ambientet e brendshme dhe të jashtme të institucionit.

Rezultatet e kontrollit:

U sekuestruan tre celularë tip “iPhone”, të ndezur dhe funksionalë.

Njëri prej tyre u gjet në posedim të të paraburgosurit me iniciale B.G.

Dy të tjerë, së bashku me një palë kufje “bluetooth”, u konstatuan pa autorë në ambientet e institucionit.

Veprimet e menjëhershme:

* U veçua i paraburgosuri B.G.

* U hartua raporti i incidentit.

* U mbajt procesverbali i bllokimit të sendeve të ndaluara.

* Materialet iu referuan Specialistit të SHKB për veprime të mëtejshme hetimore.

Ky aksion është një tjetër dëshmi e vendosmërisë për të goditur çdo tentativë për cenimin e sigurisë në institucionet penitenciare.

Kontrollet do të vijojnë me intensitet të lartë në të gjitha IEVP-të në rang vendi. Zero tolerancë ndaj shkelësve.