Reali doli i pamposhtur nga transferta gjermane, por në Spanjë nuk festojnë plotësisht pas barazimit 2-2 kundër Bayern Munich. Kjo nuk ishte mbrëmja më e mirë për ekipin e Ancelottit, por për fat, Vinicius Jr arriti të bëjë diferencën me dy golat e shënuar. Sulmuesi brazilian ishte protagonisti kryesor në të përditshmet spanjolle:
“Një djall në ferr”, shkruan AS në faqen e parë, titull shoqëruar me foton e Vinicius. “Vini na afron me finalen”, shkruan Marca në faqen e parë. “Vinicius shpëton Real Madrid”, ishte titulli kryesor i Sport.
Bayern-Real Madrid “pushtoi” edhe faqet e para të mediave angleze, kjo pasi kjo ishte edhe një sfidë, Harry Kane kundër Bellingham. Kapiteni i “tre luanëve” ishte nga më të mirët në fushë, por nuk mund të thuhet e njëjta gjë për Bellingham, i zëvendësuar nga Ancelotti pa lënë asnjë gjurmë.
“Çfarë loje nga Bayern”, shkruan Bild, me të përditshmen gjermane që i ka kushtuar hapësirë edhe negociatave që klubi po zhvillon me Ralf Rangnick, i cili është kandidati kryesor për të zëvendësuar Thomas Tuchel në fund të këtij sezoni.
(BalkanWeb)
