TIRANË

Gaz lotsjellës, vuvuzela, thirrje “Rama ik”, njerëz që vrapojnë, një flamur kuq e zi tek parlamenti. Policia hedh vazhdimisht gaz lotsjellës për të larguar protestuesit që largohen dhe grumbullohen vazhdimisht.

Ka nga ata protestues që nuk janë tërhequr nga gazi lotsjellës por ka edhe të tjerë që kanë shfaqur probleme të mëdha. Mes atyre që iu është dashur të përballen me gazin lotsjellës është edhe një vajzë e vogël që shihet teksa fshin sytë.

Një protestues teksa foli për gazetaren Klodiana Lala tha se policia po i provokon protestuesit. “Na kanë futur në çark. Ata po na provokojnë. Shiko çfarë bëjnë”, tha ai.