Kryeministri Edi Rama do të zhvillojë sot në orën 16.30 një takim me punonjësit e Bashkisë së Tiranës. Përgatitjet në sheshin Skënderbej kanë nisur me vendosjen e karrigeve dhe ngritjen e skenës, siç duket edhe nga pamjet që sjell BalkanWeb. Kryeministri do të mbajë një fjalim drejtuar 6 mijë punonjësve të kryeqytetit.

Takimi i Ramës vjen pas arrestimit të kryebashkiakut të Tiranës, Erion Veliaj mesditën e 10 shkurtit, teksa ndodhej në zyrën e tij.

Firma e kryebashkiakut i është deleguar nënkryetares Anuela Ristani. Kryeministri ka kërkuar që Bashkia e Tiranës të vazhdojë punën për t’i shërbyer qytetarëve. Më vonë kreu i qeverisë do të takohet me këshilltarët e Partisë Socialistë në Këshillin Bashkiak të Tiranës.

(BalkanWeb)