Vijon të jetë shqetësuese situata nga zjarret në Shqipëri. Një zjarr i madh ka përfshirë këtë mbrëmje Malin e Shëngjinit, pranë Ranës së Hedhun.
Kanë qenë pushuesit, ata që kanë telefonuar në redaksinë e “BalkanWeb”, duke ngritur shqetësimin, pasi tymi e flakët e mëdha kanë përfshirë një pyll të dendur me pishe, pranë zonës së banuar.
Pushuesit kanë sjellë pamje në redaksinë e “BalkanWeb”, ku shihet se situata është tejet problematike.
Lezhë/Informacion paraprak
Rreth orës 21:50, kemi marrë njoftim së në malin e Shengjinit, Lezhë, ka rënë zjarr.
Mënjëherë kanë shkuar në vendngjarje shërbimet e Policisë dhe të zjarrëfikses, të cilët punojnë për shuarjen e zjarrit.
Grupi hetimor punon për sqarimin e rrethanave dhe identifikimin e autorit/ve të zjarrvënies.
(BalkanWeb)
