Autoritetet në kryeqytetin e Ukrainës, Kiev, po përgatisin më shumë se 1000 vende në të gjithë qytetin ku qytetarët mund të shkojnë për të qëndruar ngrohtë në rast se sistemi i ngrohjes mbyllet për shkak të sulmeve ruse, tha sot kryebashkiaku Vitaly Klitschko.
Sulmet e nisura nga Rusia me raketa dhe dronë kanë dëmtuar 40% të infrastrukturës energjetike të Ukrainës dhe tashmë për një kohë të shkurtër zona të mëdha të Kievit kanë mbetur pa energji elektrike dhe ujë.
Sot Klitschko raportoi në Telegram se autoritetet e qytetit po shqyrtojnë skenarë të ndryshëm.
“Gjëja më e keqe është të mos kesh fare rrymë, të ndalosh furnizimin me ujë dhe ngrohjen. Për këtë rast po përgatisim më shumë se 1000 zona ngrohjeje në qytetin tonë”, theksoi ai.
Këto zona do të pajisen me gjeneratorë dhe do të ketë një stok të mallrave bazë, si uji i pijshëm. Qeveria e Ukrainës u ka kërkuar ukrainasve që kanë ikur nga vendi të qëndrojnë jashtë vendit për dimër, ndërsa akuzon Rusinë se ka ndezur një krizë të re humanitare duke detyruar edhe më shumë njerëz të largohen nga shtëpitë e tyre nga frika se mos detyrohen të kalojnë kufirin. në dimër pa energji elektrike dhe ngrohje.
