Kristjan Asllani është bërë prej ditësh çështja kryesore në mediat italiane, teksa si duket, nga sezoni i ardhshëm do ta shikojmë te Interi. Marrëveshja prej 14 milionë eurosh me Empolin, shtuar këtu edhe 2 milionë nga bonuset, e bën mesfushorin kuqezi si transferimin e dytë më të shtrenjtë në Serie A (Natyrisht bëhet fjalë për shqiptarët).

Më shumë sesa lojtari në largim i Empolit, është shitur vetëm Marash Kumbulla vite më parë, me mbrojtësin e Përfaëqësueses shqiptare që kaloi nga Verona te Roma me formulën e huazimit 2- vjeçar me detyrim blerjeje 13.5 milionë euro plus 3.5 milionë bonuse.

Transferime të tjera mund të përmendim atë të Etrit Berishës nga Lazio te Atalanta për më shumë se 5 milionë euro, apo edhe atë të Elsi Hysajt (Empoli-Napoli, 5 milionë euro).

(BalkanWeb)