Presidenti Joe Biden dhe ish-Presidenti Donald Trump ranë dakord të mërkurën të zhvillojnë dy debate të fushatës presidenciale – i pari më 27 qershor dhe i dyti më 10 shtator.

Marrëveshja e shpejtë për orarin e takimit pasoi njoftimin e demokratit se ai nuk do të marrë pjesë në debatet presidenciale të vjeshtës të sponsorizuara nga komisioni jopartiak që i ka organizuar ato për më shumë se tre dekada.

Fushata e Biden në vend të kësaj propozoi që mediat të organizojnë drejtpërdrejt debatet me kandidatët e supozuar demokratë dhe republikanë , ku i pari do të mbahet në fund të qershorit në CNN dhe i dyti në shtator në ABC.

Trump, në një postim në faqen e tij “Truth Social”, tha se ishte “i gatshëm për të debatuar” me Biden në kohën e propozuar.

Disa orë më vonë, Biden tha se ai pranoi një ftesë nga CNN për një debat në qershor, duke shtuar: “Për ty, Donald”.