Eshtrat e një djali 9-vjeçar janë zbuluar në një shtëpi në Hjuston së bashku me tre fëmijë të braktisur, thanë autoritetet.

Një nga fëmijët, një 15-vjeçar, tha se vëllai i tij 9-vjeçar kishte vdekur prej një viti dhe trupi i tij ishte në dhomën pranë tij, tha të hënën Sherifi i Qarkut Harris Ed Gonzalez.

15-vjeçari dhe dy fëmijët e tjerë nën moshën 10 vjeç, u gjetën vetëm në shtëpi të dielën, tha Harris Ed Gonzalez.

Të dy fëmijët e vegjël “u shfaqën të kequshqyer dhe shfaqën shenja të lëndimit fizik”, shkroi ai në Twitter.

Autoritetet gjithashtu “gjetën mbetje skeletore të një fëmije të vogël”, tha Ed Gonzalez.

Të tre fëmijët u dërguan në spital, tha ai. 

Autoritetet besojnë se prindërit nuk kishin jetuar në shtëpi për disa muaj, tha Gonzalez.

Nëna e fëmijëve dhe i dashuri i saj u gjetën vonë të dielën në mbrëmje dhe janë intervistuar dhe liruar, tha Gonzalez të hënën.

Hetimi është në vazhdim, duke shtuar se nuk është ngritur asnjë akuzë.

Në një konferencë shtypi të dielën, Gonzalez e quajti atë një “situatë të tmerrshme”.

Unë nuk kam dëgjuar kurrë për një skenar të tillë, tha ai.