Një trup i pajetë është gjetur mbrëmjen e sotme në ujërat e lumit Fan në Fushë Arrëz.

Trupi pa shenja jete i përket një 62-vjeçari. Trupi i pajetë i burrit është gjendur poshtë urës së lumit Fan.

Dyshohet se 62-vjeçari është rrëzuar aksidentalisht dhe ka rënë në lumë.

Policia e zjarrfikëset janë në vendngjarje për të zbardhur ngjarjen.

Fushë Arrëz/ Informacion paraprak

Rreth orës 20:50, në dalje të qytetit Fushë Arrëz, në Përroin e Thatë, është gjetur trupi  i pajetë dhe pa shenja dhune, i shtetasit F. H., 62 vjeç.

Nga veprimet e para hetimore dyshohet se 62-vjeçari është rrëzuar aksidentalisht nga ura dhe ka rënë në ujë, ku për pasojë ka humbur jetën.

Grupi hetimor nën drejtimin e Prokurorisë vijon punën për sqarimin e rrethanave të rastit.

(Balkanweb)