Rreth një e treta e luftëtarëve në ish-ushtrinë rebele të ‘FARC’ në Kolumbi kanë marrë armët përsëri pas një marrëveshjeje paqeje të vitit 2016, duke paraqitur një rrezik në rritje të sigurisë në vendin e Andeve, sipas një raporti konfidencial të inteligjencës ushtarake të shqyrtuar nga Reuters.
Raporti i brendshëm vë në dukje numrin e luftëtarëve që i përkasin grupeve disidente të Forcave të Armatosura Revolucionare të Kolumbisë (FARC) në rreth 2,300, një rritje nga rreth 300 në kohën e marrëveshjes së diskutueshme paqësore.
Me nënshkrimin e marrëveshjes, pothuajse 13,000 anëtarë të FARC, duke përfshirë më shumë se 6,000 luftëtarë, dorëzuan armët e tyre për t’u shkatërruar dhe përfunduan pjesën e tyre në një luftë prej pesë dekadash që vranë 260,000 njerëz dhe duke zhvendosur miliona të tjerë.
“Nëse shikoni se ku janë këto grupe të armatosura të organizuara ose ku janë shfaqur, kjo është e lidhur me krimin: ku ekziston një prani e lartë e trafikut të drogës apo minierave të paligjshme ose në zonat kufitare, veçanërisht pranë Venezuelës”, i tha Reuteres gjenerali Luis Fernando Navarro, komandant i forcave ushtarake të Kolumbisë.
Partia politike e FARC që u formua pas marrëveshjes së paqes ka thënë se, përveç presionit për t’u bashkuar me grupet disidente që përfshiheshin në aktivitete të paligjshme, ish-luftëtarët po merrnin armë për shkak të zhgënjimit për shkak të mungesës së mundësive ekonomike dhe zemërimit mbi stigmatizimin dhe dhunë kundër tyre.
Presidenti Ivan Duque ka kërkuar të ndryshojë marrëveshjet e paqes që nënshkroi ish-Presidenti Juan Manuel Santosme arsyetimin se ata janë shumë të butë ndaj FARC, e cila u angazhua me dekada rrëmbimesh, trafik droge, zhvatje dhe vrasje.
BalkanWeb
