Presidenti i SHBA, Donald Trump mbërriti mbrëmjen e djeshme në Skoci, ku po zhvillon një vizitë.
Një udhëtim plot golf, biznes dhe diplomaci, Trump po përzien aspektet personale me ato politike gjatë kohës së tij në Mbretërinë e Bashkuar.
Ai do të takohet me Kryeministrin John Sëinney, Kryeministrin Sir Keir Starmer dhe shefen e BE-së Ursula von der Leyen.
Krahas kësaj, ai do të luajë shumë golf në pronat e tij në Skoci, si dhe do të hapë një fushë krejt të re golfi të emëruar për nder të nënës së tij, e cila ka lindur në ishullin skocez Lewis.
Vizita e Trump në Skoci ka shkaktuar një operacion masiv policor për të mbajtur presidentin amerikan të sigurt, me taksapaguesit që paguajnë faturën.
Me të mbërritur, Trump foli me gazetarët pasi zbriti nga avioni Air Force One.
Shumë nga ato që tha ai nuk ishin të reja, por ai kishte fjalë të ngrohta për Starmer përpara takimit të tyre.
“Më pëlqen kryeministri juaj”, u tha Trump gazetarëve kur u pyet për çështjen e imigracionit në SHBA dhe Mbretërinë e Bashkuar.
Ai e lavdëroi Starmerin për arritjen e marrëveshjes tregtare – sigurisht një lajm i mirë për Numrin 10.
(BalkanWeb)
