Senatori amerikan Lindsey Graham, i cili ka qenë një avokat i hapur për veprime ushtarake kundër Iranit që nga fillimi, u takua sot me trashëgimtarin e fronit iranian , Reza Pahlavi . Gjatë takimit, Graham i ofroi Pahlavi dy kapele me sloganin “Bëjeni Iranin të Madh Përsëri”. Slogani i referohet drejtpërdrejt frazës së njohur ” Bëjeni Amerikën të Madhe Përsëri ” dhe shihet si një deklaratë simbolike mbështetjeje për një të ardhme të ndryshme politike për Iranin, në një periudhë tensionesh në rritje dhe presioni ndërkombëtar mbi Teheranin.

Lindsey Graham ka mbrojtur vazhdimisht publikisht një qëndrim të ashpër kundër Iranit, madje duke mbështetur nevojën për veprime ushtarake nëse – siç ka deklaruar ai – Teherani vazhdon veprimet e tij që, sipas tij, destabilizojnë rajonin.

Reza Pahlavi, djali i Shahut të fundit të Iranit, ka jetuar jashtë vendit për dekada dhe shihet nga një pjesë e diasporës iraniane si një figurë simbolike e opozitës ndaj regjimit teokratik, megjithatë, pa luajtur një rol zyrtar politik.