Halle Berry po bashkon forcat me Sharon Stone për të mbështetur familjet e prekura nga zjarret në Los Angeles duke dhuruar të gjithë veshjet e saj. Aktorja 58-vjeçare ndoqi shembullin e Stone, e cila ftoi ndjekësit e saj në Instagram të dhurojnë rroba dhe sende të tjera thelbësore në dyqanin Coop.
Stone, 66 vjeç, postoi njoftimin e saj, duke u kërkuar fansave të dhurojnë xhinse të përdorura, xhaketa, këpucë, kapele, doreza, varëse rrobash, si dhe të brendshme të reja, çorape dhe veshmbathje. Berry u përgjigj menjëherë, duke deklaruar: “Unë po sjell gjithçka që kam!” dhe nga ana tjetër postoi videon e Stone, duke u kërkuar banorëve të Kalifornisë jugore të bëjnë të njëjtën gjë.
View this post on Instagram
“Po paketoj të gjithë garderobën time dhe po shkoj në COOP! Kjo është diçka që ne mund të bëjmë tani, sot, për të ndihmuar familjet e zhvendosura që kanë nevojë për gjërat elementare. Faleminderit, Sharon Stone, për udhëheqjen tuaj”, shkroi Berry në postimin e saj.
Zjarret në Kaliforninë Jugore kanë shkaktuar dëme të mëdha dhe kanë detyruar mijëra banorë të largohen nga shtëpitë e tyre. Nisma e dy aktoreve është një shembull solidariteti dhe dhurimi në një moment të vështirë për komunitetin e Los Anxhelosit.
