Pas Delagacionit të BE-së në Tiranë, një tjetër reagim është bërë publik ditën e sotme në lidhje me situatën e krijuar me mediat e Fokus Media News, si pasojë e aksionit të paprecedent të policisë.
Ambasada Holandeze në Shqipëri përmes një postimi në faqen zyrtare në Facebook, ambasada e Holandës thekson se për Mbretërinë e Holandës, liria e medias dhe siguria e gazetarëve mbeten përparësi kryesore, pasi ato janë thelbësore për ruajtjen e sundimit të ligjit.
Bashkangjitur me postimin, ambasada e Holandës ka publikuar qendrimin e delegacionit të BE-së në Shqipëri.
Delegacioni i BE-së nënvizon se është e rëndësishme që çdo veprim i ndërmarrë të mos cenojë mundësinë e gazetarëve për të ushtruar lirinë e tyre në përcjelljen e informacionit dhe për të ruajtur konfidencialitetin e burimeve të tyre.
Reagimi i delegacionit të Bashkimit Evropian në Shqipëri
Ne po ndjekim nga afër situatën lidhur me Focus Media Group dhe mediat e saj.
Reagimi i delegacionit të Bashkimit Evropian në Shqipëri
Ne po ndjekim nga afër situatën lidhur me Focus Media Group dhe mediat e saj.
Mosmarrëveshjet midis të gjitha palëve të përfshira duhet të zgjidhen duke respektuar plotësisht ligjshmërinë dhe procedurat e rregullta ligjore.
Në këtë kontekst, është e rëndësishme që çdo veprim i ndërmarrë të mos cenojë mundësinë e gazetarëve për të ushtruar lirinë e tyre në përcjelljen e informacionit dhe për të ruajtur konfidencialitetin e burimeve të tyre.
Këto janë aspekte thelbësore të lirisë dhe pluralizmit të medias, që janë kritike për garantimin e shtetit të së drejtës.
(BalkanWeb)
