Dashi
Kjo ditë ka për të qenë shumë pozitive edhe pse për të thënë të vërtetën nuk do përkujdeseni si duhet. Nëse jeni në një lidhje, keni për të marrë një propozim shumë të rëndësishëm ose një lajm të madh që do jua zbukurojë jetën. Shëndeti nuk do jetë aspak i keq. Në punë gjërat do ju ecin goxha mirë. Do ndiheni të pavarur për të bërë atë që keni menduar me shumë finesë e delikatesë. Nuk do ju mungojë as diplomacia.
Demi
Nëse pranoni të kujdeseni dhe të respektoni të tjerët gjërat do ju ecin mirë. Nëse keni një lidhje duhet të flisni sa më shumë dhe sa më hapur me partnerin për gjithçka që ju shqetëson. Do bëni disa persona për vete dhe do keni mundësi të zgjidhni atë që ju përshtatet më tepër. Shëndeti në përgjithësi do jetë i mirë dhe nuk do keni shqetësime të mëdha. Do jeni plot energji dhe dinamizëm. Financat nuk do jenë aspak problematike kështu që përfitoni të blini atë që keni menduar prej disa kohësh.
Binjakët
Sot mund të keni probleme për shkak të gabimeve që keni bërë. Ju të dashuruarit do kërkoni të kontrolloni gjithçka dhe nuk do i lini partnerit hapësirë të shprehet lirisht. Ndryshoni taktikë pa qenë vonë. Shëndeti nuk do jetë i shkëlqyer. Në punë duhet të jeni më të vëmendshëm dhe striktë. Merrni guximin të provoni edhe gjëra të reja dhe nuk do dilni të humbur.
Gaforrja
Nuk do jeni aspak racionalë dhe herë pas here mund të bëni gabime. Gjithsesi e mira është që do i kuptoni ato dhe do mundoheni t’i ndreqni me çdo mënyrë. Ju të dashuruarit duhet ta hapni sa më shumë zemrën tuaj dhe t’i shprehni ndjenjat pa pasur frikë. Partneri nuk do ju lëndojë asnjë çast edhe pse nuk do mungojnë disa mosmarrëveshje të vogla. Gjendja shëndetësore do ketë ulje dhe ngritje. Në planin financiar do bëni gabimet më të mëdha.
Luani
Duhet të bëni më shumë përpjekje për të vendosur qetësinë dhe harmoninë në familje, në shoqëri apo edhe në jetën tuaj në çift. Mos u tregoni kokëfortë dhe pranojini gabimet. Shëndeti do ketë shqetësime të vogla që do vijnë si pasojë e lodhjes në punë, por asgjë për t’u alarmuar. Në planin financiar merrni masa strikte dhe pranoni mbështetjen e disa miqve të vjetër.
Virgjëresha
Do keni shumë polemika dhe shpesh nuk do dini çfarë hapash të hidhni. E mira është që në çdo rast të bini në konsensus me të tjerët. Nëse keni një lidhje, jeta sentimentale, për fat të mirë, nuk do preket aspak nga problemet familjare. Financat do jenë të mira për shkak të zemërgjerësisë së yjeve që do ju ndihmojnë së tepërmi.
Peshorja
Do keni shumë besim tek vetja juaj dhe do arrini gjithçka që dëshironi. Ju që jeni në një lidhje, duhet ta forconi akoma më shumë bashkëpunimin me partnerin në mënyrë që çdo gjë t’ju ecë si e keni ëndërruar. Asgjë nuk është e pamundur. Ju beqarët do e keni të nevojshëm një partner në krah dhe duke u nisur nga kjo do jeni gati edhe për aventura kalimtare. Shëndeti do jetë përgjithësisht i mirë. Gjendja e financave do përmirësohet ndjeshëm. Do i vini fre vetes dhe nuk do lejoni asnjë lloj shpenzimi të tepruar.
Akrepi
Do jeni gjithë kohës të zënë me punë dhe nuk do i kushtoni rëndësi vetes dhe atyre që keni pranë. Nëse keni një lidhje, jeta juaj sentimentale do jetë problematike dhe e mbushur me debate të zjarrta. Në planin financiar do jeni më të qartë për gabimet e bëra, por zor se do ia dilni t’i ndreqni shpejt. Kërkoni sa më parë ndihmë. Puna do jetë e vetmja që do shkojë mirë. Edhe nëse ishit në kërkim të një të tille do jeni me fat.
Shigjetari
Yjet nuk do ndikojnë pozitivisht tek ju dhe mund të keni probleme në çdo fushë. Ju që jeni në një lidhje do keni tronditje të njëpasnjëshme dhe në shumë momente do ngrini dyshime për të ardhmen. Shëndeti do jetë më i mirë se kurrë më parë. Në punë asgjë nuk do jetë e thjeshte për t’u arritur, megjithatë me pak përpjekje dhe vullnet gjithçka do jetë e mundur.
Bricjapi
Jeta juaj sentimentale do jetë prioritet. Nëse keni një lidhje ambienti do ngrohet menjëherë dhe zemra do ju rrahë fort. Gjendja shëndetësore nuk do ketë asgjë për t’u shqetësuar. Në planin financiar do jeni më të qetë, pasi do i shlyeni borxhet e marra. Në punë do i hidhni hapat pasi t’i keni bërë me kujdes planet e llogaritë, prandaj gjithçka do ju ecë për mrekulli.
Ujori
Klima yjore do jetë elektrizuese kështu që në disa ditë nuk do ndiheni të qetë. Ju beqarët duhet të reflektoni gjatë për atë që doni të bëni me jetën sentimentale, para se të hidhni hapa. Shëndeti do ketë vetëm disa probleme të vogla, por asgjë për t’u alarmuar. Në planin financiar do gjendeni në vështirësi të mëdha, për shkak të shpenzimeve të konsiderueshme.
Peshqit
Peshq të mistershëm, do keni probleme të mëdha në çdo fushë nëse veproni kuturu. Takti dhe diplomacia do jenë veti të çmuara. Ju që keni një lidhje do bëni gabime me mënyrën e të sjellit dhe do jeni tejet kokëfortë. Shëndeti në disa momente do jetë delikat. Gjendja e financave do jetë shumë më e mirë nga më parë. Përfitoni për të hequr disa para mënjanë