Milan Skriniar nuk ia del dot dhe ngre flamurin e bardhë. Mbrojtësi i Interit nuk do të marrë pjesë në ndeshjet e ardhshme të Sllovakisë.

Siç njoftohet nga federata sllovake, qendërmbrojtësi i lindur në 95-ën i është nënshtruar vizitave të mëtejshme nga mjekët e kombëtares për shkak të një problemi në shpinë, gjë që e kishte bërë të padisponueshëm për ndeshjen e fundit të Nerazzurrëve kundër Juventusit të dielën e kaluar.

Skriniar nuk do të jetë në dispozicion të trajnerit Francesco Calzona për ndeshjet kundër Luksemburgut dhe Bosnjës, ndeshje të vlefshme për raundin kualifikues të Euro 2024.

(BalkanWeb)