Një adoleshente e cila u plagos rëndë në një sulm shkatërrues rus në një stacion treni ka përshkruar përvojën e saj të hidhur.

Anastasiia Shestopalit, 19 vjeçe, iu desh të amputohej këmba pasi u kap nga sulmi me raketë në stacionin e trenit Kramatorsk në mëngjesin e 8 prillit.

Sulmi la 61 persona të vdekur dhe 121 të plagosur, sipas Shërbimit të Sigurimit të Ukrainës.

Duke folur për Kyiv Independent, Shestopal tha se kishte udhëtuar nga qyteti i saj i lindjes, Druzhkivka për t’u larguar nga sulmet atje.

Ndërsa priste që një shofer ta merrte dhe ta çonte në një pjesë më të sigurt të vendit, ajo vendosi të gjente një stol bosh në stacionin e trenit dhe të lexonte.

Mijëra civilë prisnin të evakuoheshin në stacion në atë kohë. Pa paralajmërim, një shpërthim i fuqishëm e rrëzoi atë nga stoli dhe ajo e gjeti veten të shtrirë në tokë.

“Isha e shtrirë atje në një pellg të madh gjaku. Kisha xhinse, por asgjë nuk dukej. Thjesht ndjeva se këmba ime ishte plagosur,” tha ajo.

“Kishte aq shumë gjak, njerëz të vdekur kudo.”

Ajo kujtoi se kishte parë njerëz që vraponin rreth stacionit të trenit në panik dhe pothuajse humbi vetëdijen.

Një punonjës shpëtimi e vuri re dhe një ekip filloi ta trajtonte para se të dërgohej në një spital aty pranë. Vajza më vonë zbuloi se ajo mund të kishte vdekur nga lëndimi i saj nëse nuk do të kishte marrë ndihmën mjekësore shpejt.

Adoleshentes më vonë iu desh t’i prihej këmba dhe po shërohet në Gjermani, ku një çift ka marrë me dashamirësi një apartament për të dhe nënën e saj.